थे नही आवो ओ सांवरिया,
मने बता कुन आवेगो,
थारे भोला टाबरियां की,
कुणसो लाज बचावेगो,
थारे रुस्या पार पड़े ना,
म्हारी डोले है नैया,
लीले घोड़े चढ़कर आजा,
आजा म्हारा सांवरिया………

थे आओ जद ओ सांवरिया,
थारा लाड लड़ावागा,
देसी घी को बना चूरमो,
तन्ने खूब जीमांवागा,
होसी चंग धमाल सांवरा,
थारा नाचे सेवकिया,
लीले घोड़े चढ़कर आजा,
आजा म्हारा सांवरिया………

म्हारी अर्जी नही सुनी तो,
हो जागी रुसवाई रे,
था बिन भक्तां की ओ बाबा,
कुन करसी सुनवाई रे,
श्याम बहादुर गुण थारा गावे,
निरखे थारी सूरतिया,
लीले घोड़े चढ़कर आजा,
आजा म्हारा सांवरिया………

खाटू वाले क्यू नही आवे,
थारा बिलखे टाबरिया,
लीले घोड़े चढ़कर आजा,
आजा म्हारा सांवरिया………