Mera Aap Ki Kripa Se Krishna Hindi Bhajan Lyrics

Mera Aapki Kripa Se, Sab Kaam Ho Raha Hai
Karte Ho Tum Kanhaiya, Mera Naam Ho Raha Hai

Patavar Ke Bina Hi, Meri Naav Chal Rahi Hai
Hairaan Hai Zamana, Manjil Bhi Mil Rahi Hai
Karta Nahin Main Kuch Bhi, Sab Kaam Ho Raha Hai

Tum Saath Ho Jo Mere, Kis Cheej Ki Kami Hai
Kisi Aur Cheej Ki, Ab Darakar Hi Nahin Hai
Tere Saath Se Gulam, Ab Gulphaam Ho Raha Hai

Main To Nahin Hoon Kaabil, Tera Pyar Kaise Paoon
Tooti Huyi Vaani Se, Gunagaan Kaise Gaoon
Teri Prerna Se Hi, Sab Ye Kamaal Ho Raha Hain

Mujhe Har Kadam Kadam Par, Tune Diya Sahara
Meri Zindagi Badal Di, Tune Karke Ek Ishaara
Ehasaan Pe Tera Ye, Ehasaan Ho Raha Hai

Toofaan Aandhiyon Mein, Tune Hi Mujhko Thaama
Tum Krishan Ban Ke Aaye, Main Jab Bana Sudama
Tere Karam Se Ab Ye, Sare-aam Ho Raha Hai