Main Hi Shiv Hoon Shiv Hindi Bhajan Lyrics

Shoolpaani Shambhoo Shashishekhar, Pooshadantabhit Dakshadwarahara;
Ahiboordhanya Sthanu Digambar, Pashvimochana Har Shiv Shankar.
Veerbhadra Giridhanwa Ishwar, Ashtamoorti Pashupati Vishweshwar;
Som Bharg Sarwagya Gireeshwar, Pashvimochana Har Shiv Shankar.

Main hi parvat main hi sagar, main hi amrit aur halahal;
Main hi vishadhar khud ko mathata, har manthan me main hi main hoon.
Main hi Shiv hoon, main hi Shiv hoon, main hi Shiv hoon, main hi Shiv hoon

Main hi sarp, soorya aur taruwar, main hi bhoomi, tapan aur bhoochar;
Main bhujang vyakul jo lipata, us chandan mein main hi main hoon.
Main hi vyom, pind aur kaya, main hi lobh, moh aur maya;
Ban bairaagi jisako tyaga, us kanchan me main hi main hoon.

Main hi hoon utpatti jagat ki, main hi hoon aarambh swayam ka;
Har rachana meri hi kriti hai, sanrachana me main hi main hoon.
Main hi boond, ghoont aur gaagar, main hi jheel, nadi aur sagar;
Mai hi bah kar nij me milta, har sangam me main hi main hoon.
Main hi Shiv hoon, main hi Shiv hoon, main hi Shiv hoon, main hi Shiv hoon