Jai Baba Ki Bol Ke Khatu Shyam Hindi Bhajan Lyrics

Sheesh Ka Daani Baith Gaya Hai Aaj Khazana Khol Ke
Lene Waale Lete Jao Jai Baba Ki Bol Ke

Ye Daani Daatar Hai, Leele Ka Aswaar Hai
Goonj Rahi Saare Jag Mein, Inki Jai Jaikar Hai
Dekh Bhawna Bhakton Ki Ye Deta Tol Tol Ke
Lene Waale Lete Jao Jai Baba Ki Bol Ke

Jaikaare Ki Mahima Ko Kisi Kisi Ne Jana Hai
Narsi Mira Karma Ne Aur Ruskhan Ne Mana Hai
Jo Jaykare Lagaye Dil Se, Ye Deta Dil Khol Ke
Lene Waale Lete Jao Jai Baba Ki Bol Ke

Roadpati Ko Karodpati Jhat Se Shyam Banata Hai
Inko Dekha Dene Wala, Khud Hi Dhokha Khata Hai
Naam Khazana Mannu Baanth Raha Hai Bina Mol Ke
Lene Waale Lete Jao Jai Baba Ki Bol Ke