तीन ठौर ते टेढ़ो दिखै,
नटखट की चलगत यह सीखै,
टेड़े नैन चलावे तीखे
सब देवन को देव,
सब देवन को देव,
तउ ये बृज में घेरे गाय,
ऐसो चटक मटक सो ठाकुर
तीनों लोकन हूँ में नाय
ऐसो चटक मटक सो ठाकुर
तीनों लोकन हूँ में नाय
लोकन में हो नाय,
तीनों लोकन में हो नाय,
लोकन हूँ में नाय……..

ब्रह्मा मोह कियो पछतायो,
दर्शन को शिव बृज में आयो,
मान इंद्र को दूर भगायो,
ऐसो वैभव वारो,
ऐसो वैभव वारो,
तऊ ये बृज में गारी खाय,
ऐसो चटक मटक सो ठाकुर
तीनों लोकन हूँ में नाय
लोकन में हो नाय,
तीनों लोकन में हो नाय,
लोकन हूँ में नाय…..

बड़े बड़े असूरन को मारयो,
नाग कालिया पकड़ पछाड़यो,
सात दिना तक गिरिवर धारयो,
ऐसो बलि तऊ,
ऐसो बलि तऊ,
ग्वालन पे खेलन में पिट जाय,
तीनों लोकन हूँ में नाय
ऐसो चटक मटक सो ठाकुर
तीनों लोकन हूँ में नाय
लोकन में हो नाय,
तीनों लोकन में हो नाय,
लोकन हूँ में नाय…….

रूप छबीलो है ब्रज सुंदर,
बिना बुलाए डोले घर घर,
प्रेमी ब्रज गोपीन को चाकर,
ऐसो प्रेम बढ्यो, ऐसो प्रेम बढ्यो,
माखन की चोरी करबे जाए
ऐसो चटक मटक सो ठाकुर
तीनों लोकन हूँ में नाय
लोकन में हो नाय,
तीनों लोकन में हो नाय,
लोकन हूँ में नाय……

लोकन में हो नाय,
तीनों लोकन में हो नाय,
लोकन हूँ में नाय,
ऐसो चटक मटक सो ठाकुर
तीनों लोकन हूँ में नाय
लोकन में हो नाय,
तीनों लोकन में हो नाय,
लोकन हूँ में नाय……