थारे सर पे मुकुट विराजे
कानो में कुंडल साजे
थारे गले विराजे हार
अनोख़ी थारी झाँकी……….

थारे नैणा सुरमो साजे
माथे पे तिलक विराजे
बाबा मुख में नागर पान,
अनोख़ी थारी झाँकी……….

थारे पाव पैजनिया साजे,
चलता में रूण झुण बाजे,
ओ बाबा या छवि की बलिहार,
अनोख़ी थारी झाँकी……….

थारे अंग में चोला साजे
उपर से बर्क विराजे
थारे रोम रोम में राम
अनोख़ी थारी झाँकी……….

लक्ष्मण जब मूर्छित पाए
संजीवन बूटी ल्याये
ओ बाबा लाए पहाड़ उठाए
अनोख़ी थारी झाँकी……….

अनोखी थारी झाँकी,
अनोखी थारी झाँकी,
ओ म्हारा माँ अंजनी का लाल,
अनोख़ी थारी झाँकी,
ओ म्हारा सालासर हनुमान,
अनोखी थारी झाँकी……….