थारे बिना म्हारो कुण है बाबा यो तो थे ही जानो,
छोटी सी या अर्ज़ी बाबा म्हारो प्रेम पिछाणो,
म्हारी जूनि सफल बनादो,
म्हाने चरण चाकरी दे दयो,
चरण चाकरी दे दयो…….

थाने जद जद याद करा में हिवड़ो भर भर आवे,
हिवड़ो जद भर आवे म्हारी आंख्या नीर बहावे,
म्हारे नैना माही बस ज्यो,
म्हाने चरण चाकरी दे दयो,
चरण चाकरी दे दयो…….

म्हाने चाकर बना के बाबा बन ज्यो मालिक म्हारा,
रात दिना थारी करा चाकरी बन जाए जीवन म्हारा,
चंदा ने शरण में लीज्यो,
म्हाने चरण चाकरी दे दयो,
चरण चाकरी दे दयो…….