Dukha Mai Mat Ghabrana Krishna Hindi Bhajan Lyrics

Dukh Mein Mat Ghabaraana Panchhi,ye Jag Duhkh Ka Mela Hai,
Chaahe Bhid Badi Ambar Par Udana Tujhe Akela Hai.

Nanhen Komal Pankh Ye Tere Aur Gagan Ki Ye Duri,
Baith Gaya To Kaise Hogi Man Ki Abhilasha Puri,
Usaka Naam Amar Hai Jag Mein Jisane Sankat Khela Hai
Dukh Mein Mat Ghabaraana Panchhi, Ye Jag Duhkh Ka Mela Hai,
Chaahe Bhid Badi Ambar Par Udana Tujhe Akela Hai.

Chatur Shikaari Ne Rakha Hai Jaal Bichha Kar Pag Pag Par,
Phans Mat Jaana Bhul Se Pagale Pachhatayega Jivan Bhar,
Moh Maaya Mein Tu Mat Phasana Bada Samajh Ka Khela Hai,
Dukh Mein Mat Ghabarana Panchhi, Ye Jag Duhkh Ka Mela Hai,
Chaahe Bhid Badi Ambar Par Udana Tujhe Akela Hai.

Jab Tak Suraj Aasamaan Par Badhata Chal Tu Badhata Chal,
Ghir Jaega Andhakaar Jab Bada Kathin Hoga Pal Pal,
Kise Pata Ki Ud Jaane Ki, Aa Jaati Kab Bela Hai,
Dukh Mein Mat Ghabarana Panchhi, Ye Jag Duhkh Ka Mela Hai,
Chaahe Bhid Badi Ambar Par Udana Tujhe Akela Hai.