Fagan Ka Mahina Aa Gaya Khatu Shyam Hindi Bhajan Lyrics

Rango Ki Mehki Khushbu, Fagan Ka Mahina Aa Gaya
Har Taraf Khatu Nagri Mein, Ajab Nazara Chha Gaya
Rango Ki Mehki Khushbu…………

Khoob Dhamaal Mache Khatu Mein, Aaye Jab Lakhkhi Mela
Shyam Premiyo Ki Khaatri To , Ye Mela Hai Albela
Karlo Tayyari Chalne Ki Tum, Shyam Sandesha Aa Gaya
Rango Ki Mehki Khushbu…………

Pahunche Khatushyam Se Milne, Karne Rango Ki Barish
Khelen Holi Sanwariya Sang, Har Premi Ki Hai Khwahish
Sanwre Ka Pyar Dilon Pe Premiyon Ke Sama Gaya
Rango Ki Mehki Khushbu…………

Masti Mein Sab Jhoome Nache, Pyar Baba Ka Pakar
Kya Hota Deewanapan Ye, Dekh Lo Khatu Aakar
Dekh Ke Masti Khatu Ki, Kundan Ka Man Bha Gaya
Rango Ki Mehki Khushbu…………