Is Layak Banaya Hai Khatu Shyam Hindi Bhajan Lyrics

Jo Bol Na Pata Tha Use Gayak Banaya Hai
Mere Baba Ne Hi Mujhko Is Layak Banaya Hai

Jise Khud Ki Samajh Na Thi Sabko Samjhaane Laga
Khud Bhatak Raha Tha Jo Rasta Dikhlaane Laga
Jo Bheed Me Gayab Tha Use Nayak Banaya Hai
Mere Baba Ne Hi Mujhko Is Layak Banaya Hai

Baba Ne Diya Hai Jo Apne Is Deewane Ko
Sau Janam Bhi Kam Honge Ehsaan Chukaane Ko
Dukhdai Jeevan Ko Sukhdayak Banaya Hai
Mere Baba Ne Hi Mujhko Is Layak Banaya Hai

Khatu Me Mujhe “MOHIT” Ghar Jaisa Pyar Mila
Baba Ke Premiyon Ka Sundar Pariwar Mila
Khatu Aana Jana Meri Aadat Banaya Hai
Mere Baba Ne Hi Mujhko Is Layak Banaya Hai