था बिन नाथ अनाथ की जी,
कुण राखेलो टेक,
म्हासा थाके मोकला जी,
थासा तो म्हारे थे ही एक,
खाटू का राजा महर करो,
थासु विनती करा हां बारम्बार,
सुनो जी सरकार,
खाटू का राजा मेहर करो……

जाणु हूं दरबार में थारे,
घणी लगी है भीड़,
थारे बिन किस विध मिटेगी,
भोले भगत की या पीड़,
खाटू का राजा महर करो,
थासु विनती करा हां बारम्बार,
सुनो जी सरकार,
खाटू का राजा मेहर करो……

ज्यूं ज्यूं बीते टेम हिये को,
छुट्यो जावे धीर,
उझलो आवे कालजो जी,
नैणा सू टप टप के नीर,
खाटू का राजा महर करो,
थासु विनती करा हां बारम्बार,
सुनो जी सरकार,
खाटू का राजा मेहर करो……

साथी म्हारे जिव का थे,
थासे छानी ना,
जान बूझ के मत तरसाओ,
हिवड़े से लेवो लिपटाये,
खाटू का राजा महर करो,
थासु विनती करा हां बारम्बार,
सुनो जी सरकार,
खाटू का राजा मेहर करो……

ध्रुपद सुता की लज्जा राखी,
गज को काट्यो फंद,
सुणकर टेर देर मत किजो,
श्याम बिहारी ब्रजचंद,
खाटू का राजा महर करो,
थासु विनती करा हां बारम्बार,
सुनो जी सरकार,
खाटू का राजा मेहर करो……

थासु विनती करा हां बारम्बार,
सुनो जी सरकार,
खाटू का राजा मेहर करो,
थासु विनती करा हां बारम्बार,
सुनो जी सरकार,
खाटू का राजा मेहर करो……