तेरे खजाने मैं धन माया की ना थोड़ सै,
मांगू ना मैं भोत घणा थोड़ी सी लोड सै,
इक छोटा सा श्याम धणी व्यापार देदे नै,
कुणबे का गुजारा होजा इसा जुगाड़ करदे नै……

अरबो खरबो मांगणिये मैं नाम नहीं सै मेरा
आये गए का मान रखूं बस इतना माल भतेरा
दे मोर छड़ी का झाड़ा चमत्कार करदे नै
कुणबे का गुजारा होजा इसा जुगाड़ करदे नै…

उसकी हार कदे ना होती जो इसका हो जावे
के बामण के बाणिया दर पै सारे शीश झुकावै
राही कहै रजनीश की नईया पार करदे नै
कुणबे का गुजारा होजा इसा जुगाड़ करदे नै…….