पालने झुलावां थाने, गोदी में खिलावां,
घुड़ल्यो बणा में थारो, नाच के दिखावां,
थारे पैरा में पहरावां,घुंघर बाजणा सा,
म्हारा कान्हा जी पधारो म्हारे आंगणे सा…………

केसरिया बागो बाबा थाने में पहरावां,
मोर मुकुट पे थारे, हीरा में जड़ावां,
बुरी नजरां से बचावां, हो मन भावणा सा,
म्हारा कान्हा जी पधारो म्हारे आंगणे सा…..

माखन मिश्री को भोग में लगावां.
छप्पन भोग का थारा, थाल में सजावां.
थारा भगत करे मनुहार, सेवा मानना सा.
म्हारा कान्हा जी पधारो म्हारे आंगणे सा………..

श्याम दीवाना थारी महिमा है गावे,
ग्यारस की ग्यारस थारी, ज्योत है जगावे,
थारे भजनां में बण जवां, सगला बावला सा,
म्हारा कान्हा जी पधारो म्हारे आंगणे सा…..