म्हारी नांव भंवर में अटकी,
म्हारी लाज रखो थे अबकी,
अटकी ने, पार लगा दी ज्यो,
म्हारो बेड़ो पार लगा दीज्यो,
सालासर महाराज।

घर घर में चर्चा थारी,
थे दीन दुखी हितकारी,
टाबर ने थे अपना लीज्यो,
सालासर महाराज,
म्हारो बेड़ो पार लगा दीज्यो,
सालासर महाराज।

प्रभु इतना नहीं विचारो,
गलती ने म्हारी सुधारो,
बीती बातां ने भुला दीज्यो,
सालासर महाराज,
म्हारो बेड़ो पार लगा दीज्यो,
सालासर महाराज।

है एक आसरो थारो,
नहीं और कोई है म्हारो,
विपदा में, साथ निभा दीज्यो,
सालासर महाराज,
म्हारो बेड़ो पार लगा दीज्यो,
सालासर महाराज।