म्हे तो सोआ पड्या पड्या,
और श्याम करे रखवाली,
जद भी कोई आवे मुसीबत,
श्याम मिटावे सारी,
म्हे तो भागा पीछे पीछे,
आगे आगे श्याम भागे,
आगे श्याम भागे,
पड़े जद भी कोई काम,
आवे श्याम आगे…….

दिन बीत्या इब आड़ा टेढ़ा,
आई रात सुहानी,
बहुत निभाई दुनियांदारी,
इब करस्या मनमानी,
मैं तो श्याम सागे और,
बाबो म्हारे सागे,
श्याम म्हारे सागे,
पड़े जद भी कोई काम,
आवे श्याम आगे…….

खाटू की सारी गली गली में,
जय जय श्याम गा स्या,
पीस्याँ पाणी खाटू नगर को,
छप्पन भोग चढ़ा स्या,
म्हारा भाग जागे,
खाटू वालो सागे सागे,
बाबो सागे सागे,
पड़े जद भी कोई काम,
आवे श्याम आगे…….

म्हारे घर में श्याम रो वास,
पहल्या श्याम जागे,
पहल्या श्याम जागे,
पड़े जद भी कोई काम,
आवे श्याम आगे,
म्हारे घर में श्याम रो वास,
पहल्या श्याम जागे,
पहल्या श्याम जागे,
पड़े जद भी कोई काम,
आवे श्याम आगे…….