Ramdoot Hanuman Hindi Bhajan Lyrics

Janani main Ramdoot Hanuman
Janani main Ramdoot Hanuman
Charan kamal mein shat shat vandan
Kardo maa kalyaan, mila hai avsar aaj mahaan
Janani main Ramdoot Hanuman
Janani main Ramdoot Hanuman

Maate aage sar jhuka Ramdoot ka
Laangh sagar aaya vaayu ka ye put haan
Aisa din koi gaya nahi maate
Prabhu Ram ka hrdy pata aapka na poochta
Dekhi unki peeda maine, dekha hai ekaakeepan
Girte unke aansu dekhe jab bhi karte aakhein band
Hoto pe wo hasi leke peeda ko chhupaate
Aankhein unki bole maana wo to karte baatein kam
Virah ko batate wo na virah ko jatate
Karna chaahte kaabu par aansu to beh jaate
Toote mere swami mata satya bolun aapse
Virah ki wo peeda ko kisi ko na dikhaate
Peeda ki gehraai maata kaise main bataaun?
Rote dil ki dhwani ko main kaise haan sunaau?
Janaki ke bina prabhu kaise jee rahe
Vytha unki maata bolun kaise main dikhaaun?
Prabhu ne uthaya tha wo dhanush pada bhaari
Ram ji ke ghar pahunchi Janak ki dulaari
Hua tha aadesh jab vano ko haan jaane ka
Janaki ne kheenchi sath jaane ki tayaari
Sone ka wo mrg aur Ravan ka wo chhal
Paaya nahi Janki ko roye Raghuvar
Leke aaya prabhu ki nishaani main to maate
De do mujhe sheesh aage jhuka mera sar

Chamke koti surya sam Raghuvar
Sheet chandra si vaani madhukar
Karke Ravan haran tumhara kiya mrityu ahavaan
Janani main Ramdoot Hanuman

Karke Ravan haran tumhara
Karke Ravan haran tumhara
Kiya mrityu ahavaan
Janani main Ramdoot Hanuman

Deta hoon bharosa main swami mere aayenge
Thodi aur der wo ye aansu bhi mitaayenge
Vaanorn ki sena naare zor se lagayegi
Lanka pe pataka hum vijay ka leharaayenge
Intezaar maata maana bada hai kathor
Vatika mein goonjta hai raakshason ka shor
Ghor maana ghadi par dharm bhi to saath hai
Toot ke bhi lenge hum sahas ko bator
Dharm ko adharm bhala haani kaise de dega?
Daanavon ka dal maata kya hi hum chhedega
Ram ki wo sena bhala kya hi maate rokenge
Sake na utha pair Bali ke jo bete ka
Veeron ko gawa ke Ravan ko na chain
Mrityu ka raasta hi dekhe uske nain
Mauke use diye par maata na wo na maana
Zyada kare prabhu bhi na paapon ko sehan
Baatein jaake prabhu ko hai maine bhi batani
Khoi unki hasi mujhe aaj hai lautaani
Mila tha maa Janaki se prabhu ko bataunga
Hath rakho daas ke haan koi to nishaani
Baatein jaake prabhu ko hai maine bhi batani
Ram yadi jihva hai to Siya unki vaani
Bhoolegi na Ram aur Siya ko ye dhara
Aane waale yug bhi ye sunege kahani

Janani main Ramdoot Hanuman
Janani main Ramdoot Hanuman
Charan kamal mein shat shat vandan
Kardo maa kalyaan, mila hai avsar aaj mahaan
Janani main Ramdoot Hanuman
Janani main Ramdoot Hanuman