Re Maai Main Phiron Vrindavan Dhaam Krishna Hindi Bhajan Lyrics

Re maai, Re Maai
Re maai Jee mera chaahe
Mai Phiron Vrindavan Dhaam

Phiron Vrindavan Dhaam
Jahan rehte hai Shyaama Shyaam
Re meri Maai jee mera chaahe
Mai Phiron Vrindavan Dhaam

Choti si kutiya mei reh ke
Din bhar bhajan karungi re
Hari naam ka jaap karungi
Galin galin dolungi re

Saado jeevan jeene mei
Saado jeevan jeene mei
Ho jaaego buro haal
Ulte paanv bhagogi sehar ko
Gale gi na jab daal

Re maai, Re maai,
Re maai meri Radha Rani
Ki sharan mei na ho buro haal
Kaise kaison pe kari-kirpa
Mera bhi rakhe khayaal

Ho Rakhegi khayaal sabki pyaari laadli laal
Re maai, Re maai,

Roj parkamma dungi
Roj bihari ji ke jaaungi
Jab bhi milego mauko
Mai Barsane bhi ho aungi

Tu thehri chuiMui seher ki
Tu thehri chuiMui seher ki
Itto na chal paavegi
Je bandar le gyaa purse jhapatke
Kaise fir tu chudaavegi

Re maai, Re maai
Re maai Mai ye sab seh lungi
Mujhe seher na aave raas
Badbhaagi braj ke bandar
Mujhe bhi deejo yahan nivaas

Deejo braj mei vaas, yahi chaahun mai aathon yaam
Re maai dil mera chaahe

Khaana peena durlabh hoga
Dekhenge jo hona hoga

Itti garmi jhel na payegi
Radha Rani mujhe bachayegi

Tujhe khud ki na koi hai fikar
Thakur ji hai to kaahe ka darr

Mera na dhandha yahan naa koi kaam
Fikar na karo hain Radhe Shyaam

To yahan kya gaiyyan charaaun
Haan, aur saath mei kheti bhi kar lena,
Khaane peene ki bhi tension khatam

Oh Nandrani
Jai ho meri Radha Rani

Hare Krishna Hare Krishna