Sanwre Par Vishwas Khatu Shyam Hindi Bhajan Lyrics

Jab Jab Bhi Dil Ghabrata
Kuch Nazar Kahin Na Aata
Main Naam Tera Hi Lekar
Apna Har Waqt Bitata
Sanwre Par Mujhe Vishwas Hai
Jag Ki Naa Aas Hai

Jab Jab Bhi Sankat Aaya, Jab Jab Bhi Vipda Aayi
Wo Leele Chadhkar Aaya, Aur Mochadi Lehrayi
Thi Dhoop Ghamo Ki Sar Par, Haatho Se Kardi Chhaya
Haare Ka Saathi Bankar, Mera Pal Pal Saath Nibhaya
Sanwre Par Mujhe Vishwas Hai
Jag Ki Naa Aas Hai

Jeevan Ke Andhero Mein Bhi, Tere Naam Ki Jyot Jalayi
Jab Jab Gira Main Baba, Aakar Ke Thaami Kalaayi
Jab Phasi Bhawar Mein Naiya, Tu Maajhi Bankar Aaya
Jag Ne To Pheri Aankhen, Palko Pe Tune Bithaya
Sanwre Par Mujhe Vishwas Hai
Jag Ki Naa Aas Hai

Jab Tera Saath Nahi Tha, Kuch Bhi Mere Paas Nahi Tha
Kitni Bhi Musibat Aayi, Mera Vishwas Tu Hi Tha
Jabse Teri Sharan Mein Aaya, Bin Maange Sab Kuch Paya
Tere Bhajno Se Hi To , Vicky Ne Naam Kamaya
Sanwre Par Mujhe Vishwas Hai
Jag Ki Naa Aas Hai