Tera Dwar Sanwre Nahi Chhodna Khatu Shyam Hindi Bhajan Lyrics

Tera Dwar Sanwre Nahi Chhodna
Tere Liye Pade Chahe Jag Chhodna
Tera Dwar Sanwre………….

Naam Tera Zuban Par Hamesha Rahe
Banke Jogan Main Tujhko Rijhaun
Gar Jo Tera Ishara Milega Mujhe
Tere Charno Mein Jeevan Bitaaun
Jo Sahara Mila Mera Jeevan Khila
Phir Mujhe Kaisa Gila
Main Hoon Diwani Teri Koi Jaane Na
Tera Dwar Sanwre………….

Yaad Teri Ye Dil Se Na Jaaye Mere
Perem Ka Aisa Rishta Banade
Meri Vinti Hai Tujhse Yahi Sanwre
Mere Jeevan Ki Bagiya Khila De
Aisi Laagi Lagan Main To Ho Gayi Magan
Kiya Jeevan Ye Tere Hawale
Haath Pakad Ke Mera Nahi Chhodna
Tera Dwar Sanwre………….

Saath Chhoote Nahi Tera Mera Kabhi
Aisi Ummeed Dil Mein Jaga De
Haath Mera Pakad Le Zara Shyam Tu
Teri Shruti Pe Kripa Barsa De
Aisa Dar Jo Mila Mera Jeevan Khila
Mera Murjhaya Gulshan Khila
Babulal Kehta Vaada Nahi Todna
Tera Dwar Sanwre………….