Bajrang Baan Hanuman Hindi Bhajan Lyrics

जय हनुमन्त सन्त हितकारी सुन लीजै प्रभु विनय हमारी।।
जन के काज बिलम्ब न कीजै आतुर दौरि महासुख दीजै।।
जैसे कूदि सिन्धु महि पारा सुरसा बदन पैठि बीस्तारा।।
आगे जाय लंकिनी रोका मारेहु लात गई सुर लोका।।
जाय विभीषण को सुख दीन्हा सीता निरखि परमपद लीन्हा।।
बाग़ उजारि सिन्धु महँ बोरा अति आतुर जमकातर तोरा।।
अक्षयकुमार को मारि संहारा लूम लपेटि लंक को जारा।।
लाह समान लंक जरि गई जय जय धुनि सुरपुर में भई।।
अब बिलम्ब केहि कारन स्वामी कृपा करहु उर अन्तर्यामी।।
जय जय लखन प्राण के दाता आतुर होय दुख करतु निपाता।।
जै हनुमान जयति बल-सागर सुर समूह समरथ भटनागर।।
ॐ हनु हनु हनुमंत हठीले बैरिहिं मारु बज्र की कीले।।
ॐ ह्रीं ह्रीं ह्रीं हनुमंत कपीसा ऊँ हुं हुं हुं हनु अरि उर शीशा।।
जय अंजनिकुमार बलवन्ता शंकरसुवन वीर हनुमन्ता।।
बदन कराल काल कुल घालक राम सहाय सदा प्रतिपालक।।
भूत प्रेत पिशाच निशाचर अग्नि बेताल काल मारी मर।।
इन्हें मारु तोहिं शपथ राम की राखु नाथ मरजाद नाम की।।
सत्य होहु हरि शपथ पाय के रामदूत धरु मारु जाय के।।
जय जय जय हनुमन्त अगाधा दुःख पावत जन केहि अपराधा।।
पूजा जप तप नेम अचारा नहिं जानत हौं दास तुम्हारा।।
वन उपवन, मग गिरिगृह माहीं तुम्हरे बल हम डरपत नाहीं।।
जनकसुता हरिदास कहावौ ताकी शपथ विलम्ब न लावो।।
जय जय जय धुनि होत अकाशा सुमिरत होत दुसह दुःख नाशा।।
चरण शरण कर ज़ोरि मनावौ यहि अवसर अब केहि गोहरावौं।।
उठु उठु चलु तोहि राम दुहाई पांय परों कर ज़ोरि मनाई।।
चं चं चं चं चपत चलंता ऊँ हनु हनु हनु हनु हनुमन्ता।।
ऊँ हँ हँ हांक देत कपि चंचल ऊँ सं सं सहमि पराने खल दल।।
अपने जन को तुरत उबारो सुमिरत होय आनन्द हमारो।।
यह बजरंग बाण जेहि मारै ताहि कहो फिर कौन उबारै।।
पाठ करै बजरंग बाण की हनुमत रक्षा करै प्राण की।।
यह बजरंग बाण जो जापै तासे भूत प्रेत सब काँपै।।
धूप देय अरु जपै हमेशा ताके तन नहिं रहै कलेशा।।
उर प्रतीति दृढ सरन हवे पाठ करे धरि ध्यान ।।
बाधा सब हर करे सब काम सफल हनुमान ।।