Chalo Ayodhya Ram Lala Ram Hindi Bhajan Lyrics

Barso Ka Prayas Aaj Rang Laya Hai
Mandir Vahi Banega Shubh Avsar Aaya
To Bolo Jai Shree Ram Naam Jo Man Mein Basaya Hai
Vahi Bole Jisne Ram Harday Mein Bithaya Hai
Chalo Chale Ayodhya Ram Lala Ne Bulaya Hai

Ek Naam Jo Iss Jag Ka Aadhar Hai
Jisme Shrishti Ka Marma BHi Hai Aur Saar Hai
Koi Dasrath Nandan Raghu Nayak Raghupati Kahe
Sankshipt Bhi Yahi Aur Vistaar Hai
Aise Pawan Ram Naam Ko Man Mein Basaya Hai
Chalo Chale Ayodhya Ram Lala Ne Bulaya Hai

Sneh Prem Maryada Aur Samvedna
Mere Ram Ne Jaani Har Praani Ki Vedna
Vyaktitva Saumya Hai Ram Nyay Ke Devta
Par Jaane Vivek Se Chakra View Se Bhedna
Aise Paawan Ram Naam Ko Man Mein Basaya Hai
Chalo Chale Ayodhya Ram Lala Ne Bulaya Hai

Bad Bhaagi Kaushalya Maa Suni Kilkari
Pita Dashrath Ne Bhi Dekhi Leela Nyari
Baal Roop Se Bhagwan Rahe Manuhaari
Muskan Pe Shri Ram Ke Sab Balihaari
Aise Paawan Ram Naam Ko Man Mein Basaya Hai
Chalo Chale Ayodhya Ram Lala Ne Bulaya Hai

Ganga Ke Tat Par Kewat Ko Paar Kiya
Khaa Jhoothi Ber Sabri Ka uddhar Kiya
Bhakt Hanuman Ko Shakti Ka Anumaan Diya
Angad Ki Paav Mein Shakti Ka Sanchaar Kiya
Aise Paawan Ram Naam Ko Man Mein Basaya Hai
Chalo Chale Ayodhya Ram Lala Ne Bulaya Hai

Bus Ram Kripa Se Sabke Kaam Hote Hai
Harday Mein Ram Ki Mala Ham Pirote Hai
Manke Manke Manke Mein Hai Ram Naam
Hari Ram Ki Ganga Mein Swayam Ko Bhigote Hai
Aise Paawan Ram Naam Ko Man Mein Basaya Hai
Chalo Chale Ayodhya Ram Lala Ne Bulaya Hai