Khatu Dham Ko Pranam Khatu Shyam Hindi Bhajan Lyrics

Dhamon Me Dham Sanwre Ke Dham Ko Pranam
Karta Hoon Baar Baar Khatu Dham Ko Pranam
Ahlawati Ke Lal Baba Shyam Ko Pranam
Karta Hoon Baar Baar Khatu Dham Ko Pranam

Duniya Me Sanwre Sa Daani Na Dooja
Isiliye Kaliyug Me Hoti Hai Pooja
Dwapar Me Diye Sheesh Ke Us Daan Ko Pranam
Karta Hoon Baar Baar Khatu Dham Ko Pranam

Sanwre Ke Premiyon Ko Sanwre Se Kaam hai
Premiyon Ke Honthon Pe Sanwre Ka Naam Hai
Jispe Hai Shyam Naam Us Zubaan Ko Pranam
Karta Hoon Baar Baar Khatu Dham Ko Pranam

Lehrate Hain Jo Nishan Dher Saare
Un Me Hi Baste Hain Shyam Ji Humare
Jispe Likha Hai Shyam Us Nishan Ko Pranam
Karta Hoon Baar Baar Khatu Dham Ko Pranam

Khatu Ke Kan Kan Me Sanwre Ka Waas hai
Khatu Me Beete Jo Har Pal Wo Khaas Hai
Khatu Ki Divya Subah Ko Shaam Ko Pranam
Karta Hoon Baar Baar Khatu Dham Ko Pranam

Jabse Hai Maan Liya Ise GodFather
Hone Laga Tabse Mera bhi Aadar
Bhagton Se Mile Prem Ko Samman Ko Pranam
Karta Hoon Baar Baar Khatu Dham Ko Pranam

“MOHIT” Huye Jabse Mohan Murari
Bigdi Hui Meri Haalat Sanwari
Jo Shyam Ne Dilayi Pehchan Ko Pranam
Karta Hoon Baar Baar Khatu Dham Ko Pranam