Khatu Jane Walon Me Naam Mera Likh Lena Khatu Shyam Hindi Bhajan Lyrics

Khatu Jaane Walon Me Naam Mera Likh Lena
Shyam Apne Laalon Me Naam Mera Likh Lena

Khatu Jaane Walon Ke Kya Naseeb Hote Hain
Tum Jinhen Bulaate Ho Khush Naseeb Hote Hain
Un Naseeb Walon Me Naam Mera Likh Lena

Khatu Ja Ke Shyam Tera Wo Hi Payega Darshan
Jisne tere naam Kiya Apna Tan Man Dhan Jeevan
Tumko Paane Walon Me Naam Mera Likh Lena

Raat Beete Bhajnon Me Charnon Me Sawera Ho
Baba Teri Nagri Me Aana Jaana Mera Ho
Naam Gaane Walon Me Naam Mera Likh Lena

Sewa Hi Karam Mera Sewa Hi Dharam Mera
Teri Sewa Karne Ko Hi Hua Janam Mera
Apne Sewadaaron Me Naam Mera Likh Lena

Tujhpe “Mohit” Ho Kar Ke Dil Me Tujhko Rakkha Hai
Dil Ke Har Dareeche Pe Naam Tera Likkha Hai
Dil Lagaane Walon Me Naam Mera Likh Lena