Mat Kar Chinta Pagle Khatu Shyam Hindi Bhajan Lyrics

Mat Kar Chinta Pagle Halaat Sudhaarega
Jis Din Khatu Wala Teri Or Nihaarega

Jisne Kheenchi Tere Hathon Ki Rekha Hai
Kal Kya Hoga Kewal Usne Hi Dekha Hai
Pal Me Teri Bigde Taqdeer Sanwaarega
Jis Din Khatu Wala Teri Or Nihaarega

Teri Musikil Hal Hogi Nahi Aj To Kal Hogi
Jo Sewa Kari Tune Sewa Wo Safal Hogi
Aawaz Lagane Se Pehle Hi Padharega
Jis Din Khatu Wala Teri Or Nihaarega

Jis Premi Ne Kar Di Patwar Hawale Hai
Naiya Ki Fifr Hi Kya Jab Shyam Sambhaale Hai
Tere Is Jeevan Ko Wo Aur Nikhaarega
Jis Din Khatu Wala Teri Or Nihaarega

Jab Shyam Jitaye To Phir Kaun Harayega
“MOHIT” Hoga Baba To Sath Nibhayega
Us Din Se Jag Me Tu Phir Kabhi Na Harega
Jis Din Khatu Wala Teri Or Nihaarega