बाबा सेठा को तू सेठ म्हारे कानी भी तो देख,
तेरी तिजोरी में भरयो घणो माल बाबा,
म्हारी भी झोली में थोड़ो सो घाल बाबा….

लखदातार तू ही जग में कुहावे है,
बड़ा बड़ा सेठ तेरे मांगण ताई आवे है,
कियो सगला ने तू माला माल बाबा,
म्हारी भी झोली में थोड़ो सो घाल बाबा….

दुनिया जाने म्हें तेरी चाकरी बजावाँ हां,
जठे भी जावां हां बस श्याम गुण गावां हां,
कर म्हारो तो थोड़ो सो तू ख्याल बाबा,
म्हारी भी झोली में थोड़ो सो घाल बाबा….

म्हारे परिवार ताई देख जरा सोच के,
तेरे होते सोते बैठ्या मनड़ो मसोस के,
म्हारे लिए भी धन थोड़ो सो निकाल बाबा,
म्हारी भी झोली में थोड़ो सो घाल बाबा….

रोज रोज आवां कोनी तेरे से म्हें मांगने,
लाज आवे बोलणे में बाबा सबके सामने,
सोनू देख ले तेरो के है विचार बाबा,
म्हारी भी झोली में थोड़ो सो घाल बाबा….